Santiago de Compostela
Presenciais
De 16.30 a 18.00 h
LUGAR | Salón de graos do Colexio San Xerome (Praza do Obradoiro)
ORGANIZA | Universidade de Santiago e CITMAga
Onde nos leve a curiosidade: a revolución de Galois
Relator | Ibai Otero Gómez
Nesta charla exploramos como a curiosidade é o motor crucial do pensamento matemático. A través da vida de Évariste Galois, descubrimos como unha simple pregunta levou a unha revolución na comprensión das ecuacións. Unha homenaxe a quen fixo da curiosidade a súa inspiración e que soubo abrir camiños no descoñecido, mesmo sen tempo para percorrelos.
A actividade realizarase en colaboración con MaEGA (Asociación Galega de Estudantes de Matemáticas).
Por que usamos simulacións para construír mellor?
Relator | Ángel Pita da Veiga Ramonde
A simulación numérica é unha ferramenta realmente útil en numerosas aplicacións, especialmente en Enxeñaría. Nesta charla explicaremos en que consiste e como se pode aplicar á optimización de estruturas.
Construción de superficies mediante pegados
Relator | Alejandro Majadas Moure
Introduciranse esquemas de pegado e construiranse superficies con eles mediante follas de papel.
Ecuacións diofantianas: como Grecia abriu o mundo da teoría da números
Relatores | Óscar Rivero Salgado e Javier Polo Noche
A idea é facer unha presentación sobre ecuacións diofantianas e algúns métodos de resolución, dende un punto de vista divulgativo.
Actividade realizada en colaboración con MaEGA (Asociación Galega de Estudantes de Matemáticas).