Ciencia Máis

 

Santiago
18.00 a 21.30h
Presencial
Público en xeral

LUGAR | Xardíns do Pazo de Fonseca
ORGANIZA | Universidade de Santiago de Compostela

“Ciencia Máis”. Espectáculo científico.

A actividade conectará ao público coa ciencia e cos científicos demostrando que a investigación non só é accesible para todos, senón que tamén é útil e tremendamente divertida mediante o uso de formatos orixinais e creativos (música, charlas e monólogos). Debido á multidisciplinaridade dos relatores, cubriranse diferentes campos científicos dun xeito sinxelo.

Un trío moi picante

Contarannos curiosidades sobre piollos, pulgas e carrachos.

Outono no mar

Falarannos dos cambios que vai provocar esta nova estación na paisaxe submarina.

Mala bacteria nunca morre

Explicarannos a resistencia aos antibióticos, como nos afectan as bacterias resistentes é como se traballa nos laboratorios para estudalas e combatelas.

Non é maxia, é realidade e chámase CUÁNTICA

Tentarannos explicar como moitos científicos visualizan a Internet Cuántica do futuro.

Ovular ou non ovular. Esa é a cuestión

Vannos explicar a importancia da ovulación no ciclo menstrual e como podemos detectala.

A ciencia do froiteiro da miña avoa

Imos aprender como funciona o ADN e os moduladores epixenéticos, empregando un exemplo do día a día como é a maduración da froita.

Saúde a gargalladas

Farannos reflexionar sobre a divulgación como ferramenta de prevención de riscos para a saúde, e como empregando a comedia tamén regalamos saúde cos beneficios da risa.

O electrón vibrador

Vannos contar como algúns materiais, sobre todos algúns metais, posúen unha cualidade moi particular na que os electróns de condución dos seus átomos vibran de forma conxunta.

O legado de Marie Curie, máis de cen anos de radiación ao servizo da saúde

Veremos como os descubrimentos dunha gran científica, como foi Marie Curie, axudannos a loitar coa enfermidade.

 

NOTA: A entrada será sen rexistro previo. Será obrigatorio o uso da máscara e distancia de seguridade.