Organiza | Universidade de Vigo e Biblioteca Neira Vilas
Horario | 19.30 h
Localización | Biblioteca Xosé Neira Vilas
Público xeral | acceso libre
Novos retos en cancro: hackeando a súa comunicación para atopar novas terapias
Nesta charla descubriremos cales son os principais retos aos que nos enfrontamos no tratamento do cancro e como entender a maneira na que as células tumorais se comunican entre elas e coa súa contorna pode axudarnos a combater este complexo conxunto de enfermidades.
Grazas aos avances da ciencia, hoxe contamos con tratamentos cada vez máis eficaces, mesmo fronte a algúns cancros metastáticos. Porén, aínda quedan importantes retos por resolver, como a aparición de resistencias aos tratamentos ou a falta de terapias eficaces para determinados tumores, especialmente os menos frecuentes. Comprender como se comunican as células do cancro pode ofrecernos novas pistas para superar estas barreiras, desenvolver novas terapias e aumentar a supervivencia dos pacientes.
María D. Mayán Santos
Doutora en Bioloxía e investigadora principal do
grupo de investigación CellCOM do
Centro de Investigación en Nanomateriais e Biomedicina (CINBIO)
da Universidade de Vigo.