Ourense
19.00 h
Presencial
Público xeral (>16 anos)
PRAZAS: 40 (ENTRADA LIBRE ATA COMPLETAR CAPACIDADE)
LUGAR | Café & Pop Torgal (Rúa Celso Emilio Ferreiro, 20, Ourense)
ORGANIZA | Universidade de Vigo
Un museo virtual para reflexionar sobre a Xustiza Social
Adentrarémonos na Xustiza Social a través da visualización dun Museo Virtual e da reflexión colectiva arredor dun Minidicionario de termos vinculados con este ámbito. As imaxes expostas conectaranse cos conceptos do dicionario, favorecendo unha aprendizaxe significativa e unha comprensión crítica das ideas clave.
A proposta constitúe unha oportunidade para reflexionar sobre valores como a xustiza social, a igualdade, as accións positivas e a loita contra diferentes formas de discriminación. Trátase dunha actividade pensada para fomentar o pensamento crítico e crear un espazo de diálogo no que compartir ideas, puntos de vista e experiencias sobre a importancia de construír unha sociedade máis xusta e equitativa.
Duración: 1 hora
Grupo de Estudos en Traballo Social: Investigación e Transferencia