A Universidade de Vigo coordina a G-Night 2025, que terá lugar o día 26 de setembro nas sete grandes cidades galegas. Na Noite Galega das Persoas Investigadoras participan as universidades de Santiago e Coruña, varios institutos do CSIC (IEGPS, IEO, MBG, IIM e Incipit), centros oceanográficos de Vigo e A Coruña do Instituto Español de Oceanografía e outros centros de investigación galegos de como o INIBIC, IDIS, CITMAga e CESGA. A G-Night desenvólvese como un evento asociado a un proxecto europeo, empregando os recursos propios das entidades implicadas e co apoio da Xunta de Galicia a través da GAIN, Axencia Galega de Innovación dependente da Consellería de Educación, Ciencia, Universidades e Formación Profesional.
O programa e toda a información sobre o evento están dispoñibles na web www.gnight.gal. O consorcio de entidades que organiza a G-Night sortea cinco kits da iniciativa, compostos por unha camisola e un cable cargador, entre as persoas que seguen a G-Night en Instagram.
De seguido explicámosvos como participar no sorteo.
Bases do sorteo
Sigue a G-Night na rede social Instagram, dálle like á publicación e etiqueta a dous amigos ou amigas. Poderás participar dende o 17 ata o 23 de setembro de 2025 ás 12.00 h. O 24 de setembro de 2025 publicarase o nome dos/as beneficiarios/as na conta de Instagram da G-Night. Os/as gañadores/as serán elixidos/as de forma aleatoria. Se es unha das persoas afortunadas, recibirás o teu kit de camisola e cable cargador no enderezo que nos facilites.
Protección de datos
De acordo co disposto no artigo 13 do Regulamento (UE) 2016/679, do Parlamento Europeo e do Consello, do 27 de abril, relativo á protección das persoas físicas no que respecta ao tratamento dos datos persoais e á libre circulación destes datos e polo que se derroga a Directiva 95/46/CE (Regulamento Xeral de Protección de Datos ou RXPD) e co disposto no artigo 11 da Lei orgánica 3/2018, do 5 de decembro, de protección de datos persoais e garantía dos dereitos dixitais, informámosvos de que os datos asociados que nos facilitedes, serán tratados baixo a responsabilidade da Universidade de Vigo. Só se cederán a Faro de Vigo os datos das persoas gañadoras co fin facilitar a xestión das entradas e se publicarán os datos das persoas gañadoras que consentiron a publicación dos seus nomes nas redes sociais.
Estes datos trataranse durante o tempo imprescindible para xestionar o sorteo das dez entradas para o VIII Foro de Educación Faro Impulsa e conservaranse durante os prazos legais e/ou contractuais aplicables.
A persoa interesada ten dereito a solicitar ao responsable do tratamento, en calquera momento, o acceso, a rectificación ou a supresión dos seus datos persoais e a limitación do seu tratamento. Tamén terá dereito a oporse ao devandito tratamento, así como a solicitar, salvo casos de interese público e/ou exercicio de poderes públicos, a portabilidade dos seus datos.
Os devanditos dereitos poderedes exercelos mediante unha solicitude dirixida ao reitor da Universidade de Vigo e presentada ante o rexistro da Universidade de Vigo, ou calquera dos rexistros indicados no artigo 16 da Lei 39/2015, de 1 de outubro, do procedemento administrativo común das administracións públicas e remitida á Secretaría Xeral da Universidade de Vigo, Edificio Ernestina Otero, Campus universitario Lagoas-Marcosende, 36310 Vigo (Pontevedra).
Igualmente poderedes dirixir a dita solicitude directamente á delegada de Protección de Datos da Universidade de Vigo cuxa identidade e datos de contacto son Miguel Á. Michinel Álvarez, Facultade de Dereito, As Lagoas s/n, 32004 Ourense (España). Enderezo electrónico: dpd@uvigo.gal.
Así mesmo, tedes dereito a presentar unha reclamación ante a Axencia Española de Protección de Datos (AEPD)
Información adicional: https://www.uvigo.gal/proteccion-datos
Máis información:
Unidade de Cultura Científica e da Innovación
Edificio Redeiras
Praza Ribeira do Berbés, 11
36202 Vigo
+34 986 130 263
ucc@uvigo.gal
Persoas gañadoras do sorteo
@mauxi_scrap, @xes_teira, @saboridomanuel, @chiaraaxe e @julielapluie